..
إحلم و إحلم و كمان إحلم
أصل الحلم مهوش بفلوس
و بعد ما تحلم إصحي و فوق
و إسعي لحلمك يالا و دوس
..
فكر خطط لحياتك و اتحرك
اتعلم و اقرا دروس
..
اتعب على حالك
اصبر عافر
بكفاحك مع علمك ...
و مشيئة ربك فى الأول
و باذن الله عمرك ما تلوص
..
بارادة و عزيمة حديد
و بنية إنك مش عالة
و إنك بني آدم حاله
حاله خاصة جداًَ و فريد
..
من عمار الأرض
و شخص جديد
..
ناضج بارادة حديد
لا ف يوم يعجز
و لا عن هدفه يحيد
..
تتحقق فى حياتك أهدافك
و تشوف بكره بشكل جديد 
..
و بدل م تعيش فى حياتك تابع مرؤوس
باذن الله و يقيناً .. هتكون سيد و رئيس
..
على نفسك فالأول ما أنتا
خليفة ربك فى الأرض
و أكيد هتكون من عُمار الأرض
ان شاء الله تكون من عمار الأرض
...
...
...
شعر سامح درغام عقل
...
...
...
تعليقات
إرسال تعليق